Ўтган йили Истанбулда бир тўйга гувоҳ бўлдим. Оппоқ бўш дастурхонга ўтирдик. Икки-уч оғиз гап-сўздан кейин вақт оралатиб 1 тадан сув, 1 идишчада айрон, 1 бўлдакчадан нон, 1 та овқат, охирида 1 бардоқча чой билан 1 ликопчада ширинлик тарқатилди! Олдинига ҳайрон бўлдим. Ўйлаб кўриб, шу зиёфатни жуда ёқтириб қолдим. Юртга қайтгач, кўпларга айтиб бердим. Аммо… Ўйлаб қолдим: мен тўйимнинг дастурхонини шундай "безатсам", одамларимиз тўғри қабул қилармикан? Қани, ким бизда шунақа тўй қила олади? Ким бошлаб бера олади?